CoE (Certificate of Eligibility): Yaponiya talaba vizasining asosiy bosqichi

Yaponiyaga talaba vizasida asosiy tekshiruv O‘zbekistonda emas, Yaponiyada bo‘ladi. Til maktabi yoki universitet sizning nomingizdan Yaponiya immigratsiya xizmatiga CoE (Certificate of Eligibility — statusga muvofiqlik sertifikati) so‘raydi. CoE berilsa, elchixonada viza odatda tez va oddiy.

Kim so‘raydi

Siz emas — sizni qabul qilgan maktab yoki universitet. Siz unga hujjatlarni yuborasiz, u ularni tekshirib immigratsiya xizmatiga topshiradi.

Hujjatlar (odatda)

• Ariza formasi va surat
• Pasport nusxasi
• Attestat yoki diplom, baholar
• Yapon tili o‘rganilgani hujjati: JLPT yoki NAT-TEST natijasi, yoki kurs ma’lumotnomasi (soatlar soni bilan)
• Homiylik xati
• Homiyning bank qoldig‘i va daromad hujjatlari
• Qarindoshlikni tasdiqlovchi hujjat

Qancha vaqt

Maktab topshirganidan keyin ko‘pincha 1–3 oy. Til maktablari arizalarni o‘qish boshlanishidan ancha oldin qabul qiladi — aprel intake uchun odatda oldingi yilning kuzida.

Amal qilish muddati

CoE berilgandan keyin odatda 3 oy amal qiladi. Shu muddat ichida viza olib, Yaponiyaga kirishingiz kerak.

CoE’dan keyin

1. Maktab CoE’ni sizga yuboradi (asl nusxa yoki elektron).
2. Pasport, viza anketasi, surat va CoE bilan Yaponiya elchixonasiga.
3. Viza beriladi; aeroportda residence card olasiz.

Rad etilish sabablari

• Homiy daromadi bank qoldig‘ini tushuntirmaydi
• Yapon tili o‘rganilgani isbotlanmagan
• Ta’lim tarixida tushuntirilmagan uzilishlar
• Hujjatlar o‘rtasida ziddiyat